சுண்டைக்காய் குழம்பு

 

தேவையான பொருட்கள் :

1. பிஞ்சு சுண்டைக்காய்  -  ஒரு கைப்பிடி அளவு

2. புளி   -  எலுமிச்சம்பழ  அளவு

3.  வெந்தயம்  - 1/4  தேக்கரண்டி

4.  கடுகு  -  1/4  தேக்கரண்டி

5.  சாம்பார் பொடி   -  3  தேக்கரண்டி

6.  கடலைப்பருப்பு   -  ஒரு தேக்கரண்டி

7.  கறிவேப்பிலை   -  சிறிதளவு

8.  நல்லெண்ணெய்   -  தேவையான அளவு

9.  உப்பு  -  தேவையான அளவு

செய்முறை:

 கடாயில் நல்லெண்ணெய் விட்டு , லேசாக நசுக்கிய 

சுண்டைக்காயைப்  போட்டு  நன்கு  வதக்கி எடுத்துக் கொள்ளவும். 

அதே  கடாயில்  எண்ணை விட்டு  கடுகு, வெந்தயம், கடலைப்பருப்பு 

தாளித்து  அதில் சாம்பார்   பொடி சேர்த்து வதக்கவும்.

புளியைக் கரைத்து வடிகட்டிய புளித்தண்ணீர் , வதக்கிய

சுண்டைக்காய் , உப்பு  சேர்த்துக்  கலக்கி  கொதிக்க விடவும் .  எண்ணை 

பிரிந்து  வரும்  போது ,  கறிவேப்பிலை  தூவி இறக்கவும்.  மிகுந்த   

மணத்துடன்  பார்க்கும்போதே சாப்பிட  தூண்டும்.

பித்தம் , சர்க்கரை அதிகமுள்ளவர்களுக்கு  சுண்டைக்காய் எளிய வரப்பிரசாதம்.

இதே போல் சுண்டைக்காய் வற்றல் குழம்பும் செய்யலாம் .